بوابة التربية – Tarbia gate بوابة التربية – Tarbia gate
مقالات مشابهة
بوابة التربية: عرضت كل من المعلمتين سونيا عقبل ومنى ملكي وضع المتعاقدين في التعليم الرسمي من خلال فيديو، تناول الفارق بين من هم في الملاك التعليمي والمتعاقدين، وجاء فيه:
-لأنك متعاقد ممنوع تعيش منعطيك الفُتات بيكفيك اشتراك وإنترنت وطبابة وتنقلات
ما ضروري تاكل وتشرب فيك تعيش على الخبز والماي .
-لأنك متعاقد انت المسؤول عن كل التضخم بالبلد المطلوب تموت على البطيئ .
-لأنك متعاقد بتكفيك 90 دولار ومش للكل دخلوا هون الإستنسابية والخضوع للمدراء بحسب عدد ساعاتك يعني مش الكل ح ياخدو 90 دولار .
وبهيدا المبلغ الزهيد وبهيدا الغلا الفاحش بتعيش بنظرهم عيشة كريمة ودفاع من حرقة أعصابك ومن الخوف من الأعطال والتسكير ومن هوائيات البعض بالإضراب الي حرموا المتعاقدين برياض الأطفال من 5 ل17 ايار وما كلفوا نفسهم الا بتوجيه كتاب وين بينصرف تعبهم المهدور…؟!!
-لأنك متعاقد مندوس على القانون الداخلي ومنحرمك 30 أسبوع كحد ادنى في التعليم.
-لانك متعاقد اصدرنا قانون إحتساب العقد وما وضعنا آلية لتطبيقه يعني حبر ع ورق والسنة هربنا من ذكرو لانو ضمان الك بتطبيقه بشرط وضع الزامية صدور القوانين التطبيقية تحت بند المسائلة القانونية للمتمنعين من تنفيذه …
-لأنك متعاقد رحمتك بإيد الدول المانحة ومنعطيك اذا عطونا يعني على الوعد يا كمون
_ولأنك متعاقد وبتشكل 70 بالمية من المعلمين في المدارس ما ضروري نحميك لأنك اساس بالعملية التربوية حرمناك من التثبيت الي هوي حقك بعد سنين كفاءتك عطاءك وسي في الي جمعتوا خلال سنين عطاءك ما بيهمهم …
-لانك متعاقد منحمل سيف الحجة الواهية انو كتار منكم دخلوا بالواسطات عشان هيك انت استاذ مع وقف التنفيذ بس لما طالب بحقك منشهر معسول الكلام الكفاءة ما بيهمنا شو قدمت ولا شو عملت بضلك بنظرنا متعاقد لو طلعت ع القمر ..
-لانك متعاقد ما منستحي نعطيك 10 او 20الف زيادة ع الساعة بينما بالثانوي زميل بيحمل نفس اجازتك ويمكن تكون أعلى بالمستوى العلمي بتقبض نص ما بيقبض بس بلبنان في هيدي الفوارق المخزية ومنتحجج بالقانون المنزل بالشريعة الدستورية الي ما بيلتغى لانو مش فاضيبن نحقق العدالة . مش بس هيك بدل النقل لزملاء الك بالملاك 64 الف بس المتعاقد سيارتو بتمشي ع الماي واذا مرض ابنو او بنتو في تلفريك بيوصلوهم على المستشفى..
_لانك متعاقد ممنوع تمرض، ممنوع تعيش، ممنوع تفكر ،وممنوع تعترض.
_بلبنان ما في امل لا بسياسيين الي منذكرهم الإنتخابات ع عاتق المتعاقد ح تصير وبلا المتعاقدين ما بتمشي ….
_لانك متعاقد عيش بحرمان منذكركم المتعاقد عطى من عمرو سنين و ايام ومينطر القبض ليلف لفة صغيرة ويسكر ديونو الي بيقبضها بعد معاناة اشهر بس هلق ما عاد ينفع الدين ما بقى حدا يدينو منين بيعيش لبين ما تتكرموا عليه بمستحقاتو …
العقد الكامل حقو وع 30 اسبوع.. ورفع اجر الساعة، والنقل، والقبض الشهري.
ما تمننوا فيهم لازم يكونو بسلة وحدة.
بس تقولوا متعاقد عرفوا شو يعني عطاء بلا حدود، فقر موجع، وحق ضايع ،وتفوق منو منظور ولا مقدر من الدولة ..
بدنا نذكركم نحنا الاطفال بشي انتو بس سمحتوا للمدارس الخاصة تبلش والرسمي ناطر ضمانات العيش بإيدكم عم تهدموا الحضارة لانو الطفل بالرسمي انحرم من حقو بالتعليم بالايام المدرسة الخاصة فيها عم تعلم اما الرسمي ناطر الفرج المعتقل ..
بالمدارس الخاصة بيبلشوا بأيلول وبينتهوا بحزيران بينما بالرسمي اوكازيون كل عام ع العام الدراسي الي قبلو وبيمننوا الاساتذة ح ندرس رفع الاسابيع من 18 ل23 يعني قطعوا من عقدك 7 اسابيع كحد ادنى وحرموك نهار بالأسبوع تركوا تحت بند إذا إقتضت الحاجة ومن المعلوم عند المدراء لا حاجة لديهم لان رواتبهم كاملة يعني محسوم ه النهار يا حبوب …
يعني بالمختصر الدولة عم تعطي المتعاقد بإيد وعم تاخودها بالإيد التانية وعيش يا متعاقد وعيلتك بالشتا ما فيها تتدفا لانو كل معاشك ما بيأمنلك تدفئة….المتعاقد حياتو بالدولة اللبنانية تنمر بكل اشكاله وابعاده تحت إشراف السلطة جهارا…ويا عيب الشوم ع هيك سلطة فاشلة.
