بوابة التربية – Tarbia gate بوابة التربية – Tarbia gate
مقالات مشابهة
بوابة التربية: وجه الطالب في ثانوية العباسية الرسمية علي أخضر، رسالة إلى وزير التربية، عرض فيها لمعاناة الطلاب الغير قادرين على تأمين وسائل التكنولوجيا، وتكاليفها، مطالباً بدعمهم لجهة تأمين خدمة التواصل مجاناً مع التخفيف من البرنامج الدراسي، كي يصار إلى إجراء الامتحانات في اعقاب المرور أزمة فيروس الكورونا بسلام على لبنان. وجاء في الرسالة:
جانب وزارة التربية والتعليم العالي في لبنان
حضرة وزير التربية طارق المجذوب المحترم
نحن طلاب شهادة ثانوية عامة بدأنا مشوارنا ونحن نحمل آمالا نبني عليها مستقبلا بات اليوم مجهول الهوية؛ ما كدنا نخطوا أول خطوات هذا المشوار حتى شممنا رائحة الدخان بحرائق الإطارات التي أغلقت الشوارع ونزلت المظاهرات في مختلف المناطق وأوقفت الثانويات حوالي عشرين يوما واكثر… بات مستقبلنا في خطر بتنا ننتظر العودة راجين الله بعدم ضياع عام يتوج اثنا عشرة سنة من الكدّ والإجتهاد؛ مضت الأيام وعدنا لنكمل المشوار بتنهيدة تبعث الأمل وفجأة يقطع الوباء علينا الطريق بوصوله إلى بلادنا أوقفت الثانويات المدارس والمعاهد.. هذه المرة ليست كسابقاتها من المرّات في هذا الوقت نحجر في منازلنا نتعلم عن بعد ولكن هل جميعنا يمتلك الهواتف المحمولة؟ هل جميعنا قادر على اشتراك الإنترنت في بلدنا؟ ما وضع العائلة (لي فيها خمس ولاد كل شوي بيعلقوا عتلفون واحد كل واحد بقول هلق دوري اتعلم)؟ شو وضع الوالد لي ما قدرتوا يشترك غير بخدمة ٤ دولار ونهاروا كلوا بالشغل تيرجع لولادوا يشوفوا شو انبعتلن عالتلفون هيدا اذا كان بيشتغل؟ وشو وضع الأم لي كانت تلقّط نت من عند جارتها وهلق ما عاد فيها تروح تلقط لتشوف بنتها شو بعتولا دروس بسبب منع التجمعات؟ فوق هيك التكلفة المادية لسحب الاوراق من المكتبات وانتو شايفين انو تلات ارباع الناس بلا شغل ومش قدرتن يأمنوا هيك لولادن اكثر من ذلك ما وضع العائلة التي انصاب احد افرادها وتخضع للحجر الصحي بخوف وهلع هل تستطيع المتابعة اونلاين؟ وهلق شو؟ عتلفزيون لبنان؟ كيف يعني واذا ما فهمنا منتصل عالتلفزيون منسأل السؤال؟ حضرة الوزير خلينا نكون واقعيين شوي شكرا لكل جهودكم وعملكم وكل محاولتكن لتشتغلوا وتوصلوا التعليم بشتى الطرق بس للأسف العقبات كثيرة أمام الكثير من الطلاب أنا قادر وغيري قادر يزبط وضعوا ويتعلم عالتلفون بس غيرنا ما بدنا نفكر بغيرنا؟ وبرفقاتنا؟
مش عم نطلب تلغي العام الدراسي ولا حابين كطلاب شهادة نتوج ١٢ سنة بإفادة بس بدنا حل منطقي. شو الحل؟ الحل انو تزودوا الطلاب بالإنترنت المجاني وانو ينلغى شوي من المحاور الي ما قدرنا نوصلها عسى أنو يمرق هالوضع على خير ونقدر نسوي إمتحان رسمي متل العالم والناس.
(طالب تيرمينال)
علي أخضر / بلدة الزرارية / ثانوية العباسية الرسمية.
